Dramatizazioa lantzen ikastetxe desberdinetan

Kaixo berriz gure irakurle maiteok!

Badakizuenez, praktikaldian murgilduta gaude eta bertan nola lantzen den dramatizazioa ikasgeletan behatu ahal izan dugu. Sarrera honetan San Prudentzio Ikastetxean (Gasteiz) nola lantzen den azalduko dugu.

Ikastetxe honen kasuan 5 urteko umeek batez ere ingelesa lantzen dutenean dramatizazioa erabiltzen dute. Bertan proiektuka ibiltzen dira eta orokorrean plangintza hurrengoa da: proiektuan zehar istorio edo ipuin bat ikastea, honekin erlazionatuta dauden zenbait ariketa egitea eta azkenik, ipuin edo istorio hau errepresentatzea.

Ipuina edo istorioa errepresentatzeko kartoi mehe bat eta berrerabili ahal diren zenbait pegatinak erabiltzen dituzte. Istorioa edo ipuina aurrera doan heinean umeek pegatinak mugitzen dituzte (hauek pertsonaiak direlako) eta beraiek egiten dute kontaketa. Orokorrean umeek oso gustora egoten dira ekintza hau egiten eta oso ondo ikasten dute ipuina edo istorioa, gainera ingelesez.

Gure ustez, ariketa hau guztiz baliagarria da eta gainera polita, umeek gustora ibiltzen direlako.

Dramatizazioa praktiketako egonaldian

Kaixo irakurle agurgarri horiek!

Jada oporretan gaudela gogoeta txiki bat egiteko garaia heldu dela uste dugu. Horretarako gure praktiketako egonaldiari buelta bat eman diogu dramatizazioa nola lantzen den gogoratzeko.

Hori egin ostean konturatu egin gara dramatizazioa dantzaren edo ipuin kontaketaren bidez lantzen dela. Hurrengo lerroetan Traña-Matienako Herri Eskolan nola lantzen den azalduko dugu.

Matienan dramatizazioari ez zaio garrantzia ematen, plan orokorrean behintzat. 3 urteko gela batean irakasle berritzaile bat dago, eta honek dramatizazioari garrantzi handia ematen dio.

Lehenik eta behin irakasle honek ipuin bat aukeratzen du. Bigarrenik ipuina bi astez gutxi gora behera kontatzen du; modu horretan umeek istorioa ezagutzen eta barneratzen joango dira. Behin bigarren pausu hori eginda hirugarren bat dator: ipuina dramatizatzea.

Horretarako pertsonaiak banatzen ditu. Adibidez otso bat, orein bat, txerri bat, untxi bat eta hartz bat. Modu horretan bost pertsonai izango lirateke bakarrik, hori dela eta bi aukera ditu buruan; edo pertsonai berdinak errepresentazio berdinean biderkatzea edo funtzioa behin baino gehiagotan egitea. 

Behin pertsonaien kontua argi izanda, hauek nola karakterizatu daitezke bere kabuz lantzen du; pertsonaien aurpegiak kareta bihurtzea. Pausu honetan nik egingo nukeena: karetak edo jantziak haiekin prestatzea eta haien parte hartzea sustatzea.

Beraz bere ideia berritzaileak egokiak iruditzen zaizkigu, baina gure ustez umeen inplikazioa falta da. Umeen parte hartzea sustatzeko mila modu daude horietako batzuk ipuinaren aukeraketa, kontatzeko modua (txotxongiloak, itzal txinatarrak...) pertsonaien aukeraketa edo hauen karakterizazioan parte hartzea izango litzateke.

Beraz berriz ere, dantzarekin gertatzen den bezala, umearen parte hartzea sustatzen ez badugu, nahiz eta ariketa berria izan eskema zaharra jarraitzen du; irakasleek askatasuna ezabatzen dute eta ez diete parte hartze aktiboari garrantzia ematen.

GABONAK ATE JOKA!!

Arratsalde on!

Duela bi aste, udazkena proiektuari amaiera eman genion eta beste proiektu berri batekin hasi baino lehen, etenalditxoa izan dugu gabonei ongi etorria emateko. Ohiko ordutegia jarraitu izan dugu, baina datozen egunak bereziak direnez, jarduera bereziak prestatuko ditugu. Arestian aipatu bezala,  azkenengo aste bi hauetan, hainbat gauza egin ditugu!! Hasteko, euskararen astea ospatu dugu,  horretarako euskal kulturarekin erlazionatutako hainbat abesti ikasi, dantzatu ditugu.

Gainera euskararen maskotatxoa ezagutu dugu! Euskararen txantxangorria! Istoriotxoa ezagutu ondoren eta euskararen inguruan luze hausnartu ondoren, ikasleei txantxangorriaren irudiak banatu dizkiegu, zetazko koloretako bolatxoekin txoritxoa apaintzeko eta ondoren gela apaintzeko. 

Euskararen astearekin batera, zinemara joan gara ere, kroko dragoi txikia ikustera! ikasle guztiak ikaragarri disfrutatu dute, egun horretako gairik inportanteena bihurtu baita!! Hurrengo egunak gabon kantak aukeratzeari ekingo diogu. Behin gustoko gabonkantak aukeratu ondoren, entseguak prestatu, azaroaren 22 an Olentzerori eta Mari Domingiri ongi etorria emateko. Bitartean aurretik geratzen zaizkigun egunak disfrutatu, txintxo ibili eta zoriontsuak izan!

                                                                                            Urte Berri On

Praktiketako 5.astea

(Azaroaren 28tik abenduaren 4ko sarrera, zirriborroetan geratutakoa)

Hemen gaituzue berriro gure praktiketan bizi ari garen esperientzia berriak konpartitzen.

Honako aste honetan, udazkeneko gaiarekin amaitzeko eta euskararen eguna aurretik ospatzeko asmoarekin pintxo lehiaketa izan dugu ikastolan!!!

Lehiaketa honetan Haur Hezkuntza, Lehen Hezkuntza eta Derrigorrezko Bigarren Hezkuntzako neska mutilak parte hartu dute.

Gure gaiarekin lotura duen pintxoa egin dugu: itsasbasoko nahaskia. Denon artea prestatu dugu txanpiak, gulak eta arrautzak sukaldatuz. Hain goxoa egon da zein Lehiaketa irabazi dugula!!!! Txapeldunak HH5-eko neska- mutilak!!

Aste honetan amaitu izan dugu gai hau lehiaketarekin eta guk eginiko udazkeneko erakusketa batekin. Bertan, fruitu lehor ezberdinak, perretxikoak , hostoak etab. ikusgarri daude guraso nahiz gainerako ikasleentzako.

Gure esperientzia handitzen doa eta hurrengo gairako prest dauzkagu ideia guztiak. GABONAK!!!

praktikaldian egiten ditugun ekintzak¡¡

Kaixo¡¡

Astero moduan hemen gaude praktikaldian bizi, ikasi eta egiten duguna kontatzen.

Dakizuenez, Abenduan gaude eta jadanik eskoletan gabonak lantzen hasi gara. Haste hauetan dramatizaziorekin loturiko jarduera desberdinak ikusi izan ditugu. Eskola batzuetan Gabonak gai bezala hartuta proiektu bat garatzen dute eta horretarako ekintza desberdinak egiten dituzte, zuhaitzak margotu, abestiak ikasi eta abestu, dantzak, gaztain festa....

Beste eskoletan berriz, haurren adinaren arabera oso txikiak direnez, olentzero ikustera joaten dira patiora edo olentzeroren abestia ikasten dute eta abesten dute, keinuak erabiliz.

Horrez gain, haste honetan deigarriena edo gustatu izan zaiguna, urte bateko gelan haurrak txotxongiloak gustukoa dutenez, jolasteko atera dugu eta txotxongiloen pertsonaiak aprobetxatuz, txano gorritxuren ipuina kontatu diegu, pertsonaien ekintza desberdinak eginez. Haurrak oso gustora egon dira eta asko gustatu zaie. Ipuina entzun eta gero haurrak txotxongiloak hartu eta beraiek antzezten saiatu dira.

Praktiketako 4.astea

Jada pasa zaigu beste aste bat...eta hortaz...hemen gaituzue berriro!

Gure praktikaldiak aurrera doazen heinean, gure esperientziak ere aberastuz doaz. Egun hauetan dramatizaio arloarekin loturiko hainbat jarduera burutu izan ditugu. Gaurko honetan gure geletan lantzen den abesti bati zein keinu atxikitzen diogun azalduko dugu.

Abestia "ikusi ikusi han" izenekoa da, eta ondorengo lerroetan abestiaren letra jarriko dugu:

Ikusi ikusi han 

teilatu gainean 

kriston aberea 

triziklo batean 

tronpa du aurrean 

isatsa atzean

ja ja ja ja 

elefantea da! 

(x8)

Abestiaren letra kontuan hartuz egiten diren mugimenduak: 

1. Ikusi ikusi han (eskuak begiak seinalatuz eta gero aurrera seinalatuz)

2. Teilatu gainean (teilatuaren forma egin eskuekin)

3. Kriston aberea (esku biekin borobil handi bat irudikatu)

4. Triziklo batean (besoak zirkuluan mugitu eta hankak astindu)

5. Tronpa du aurrean (bi besoekin tronpa irudikatu)

6. Isatsa atzean (eskuetako bat ipurdiaren parean jarri eta ezker eskuin mugitu)

7. Ja ja ja ja! (bi eskuekin sabela kolpatu poliki)

8. Elefantea da ( esku bateko hatz erakuslearekin gora-behera mugimenduak egin)

Guzti hau jakinda, orain zuen txanda da!!

Praktiketako 3.astea

Kaixo irakurle maiteok! Aste honetan, gure praktikaldiko 3.asteari buruz hitz egingo dugu.

Gure taldean iritzi desberdinak daude praktikaldiari buruz. Batzuk gustorago gaude eta beste batzuk deserosoago... Badaude pertsona batzuek harreman oso ona dutenak tutoreekin eta asko ikasten ari direla ematen dizkioten informazio eta aholkuei esker. Horrez gain, tutoreak ematen dien konfiantza eta segurtasunari esker, benetako irakasle bezala sentitzeko aukera ematen die.

Hala ere, badaude gure taldekide batzuek praktikaldiarekin hain pozik ez daudenak, tutore eta eskolaren antolakuntzari dagokionez. Beraz, egitea pentsatuta zeukaten esku-hartzea asko murrizten da.

Batzuek, dramatizazioa egunero ikusten dugu gure klaseetan. Bai abestien bidez, marrazkiak eginez, arteko ekintzen bidez, gorputz adierazpena lantzen diren ekintzen bidez...

Baina beti zerbait hobetu daitekeenez, ideia batzuk pentsatu ditugu klasean dramatizazioak indar handiagoa hartu dezan. Horregatik gure tutorea eta eskolaren baimena izanda, ondo prestatuko dugu esku-hartze hau eta hurrengo asteetan aplikatzen hasiko dugu.

Besterik gabe, hurrengo asterarte! :)

P.D:Ea zer eskaintzen digun aste berri honek!

Praktiketako lehen astean ikusitako dramatizazioa

Jadanik badakigunez praktiketan gabiltza denok eta horregatik gure lehenengo asteko esperientzia zati bat zabaldu nahi dugu besteei ideiak emateko asmoz.

Lehen aste honetan dramatizazioa eskoletan guztiz erabiltzen dela ikusi dugu. Egunero klase orduetan, bai umeek bai irakasleek erabiltzen dute hau. 

Sarrera honetan eskoletan ikusi dugun eta guri oso interesgarria iruditu zaigun ariketa bat proposatzen dugu:

Paperez egindako txotxongiloak

Erabiliko ditugun materialak: 

Paper zuri bat 

Margoak 

Artaziak 

Pegamentua 

Prozedura:

- Lehenik eta behin paper zuriaren ezkerreko aldean marraztutako lauki baten barnean haurrek nahi duten pertsonaia marraztu eta margotuko dute.

- Hau egin eta gero, irakasleen laguntzaz paperaren eskuineko aldearen zati bat moztuko dute, papera laukizuzen formatik karratu formara bihurtzen.

- Behin hau eginda paperari tutu forma emango diogu eta horretarako ezkerreko aldea eskuinekoarekin itsatsiko dugu.

- Bukatzeko tutua eginda izan eta gero, eskua sartuko dugu honen barruan, gure txotxongiloa lortuz.

- Prozesua errepikatu pertsonaia desberdinak eratzeko. 

Dramatizazioa landu:

Behin materiala prestatuta izanda, umeek beraiek nahi duten istorioa antzeztu dezakete. Posiblea da haiek guk proposatutako istorioa antzeztea ere. 

Pertsonaiak sortzen

Gure estreinaldiaren eguna gero eta hurbilago dagoenez, lanarekin jarraitu beharra dago nahiz eta praktiketan egon. Hurrengo post honetan, sortutako pertsonaiak aurkeztuko dizkizuegu; aipatu beharra dago hauek ez direla produktu finalak, baizik eta esperimentazioan oinarritutako zirriborroak.

AMILOTX

Hasteko, gure protagonista aurkeztuko dizuegu. Gure asmoa, txori baten irudia adieraztea izan da, beraz, argazkian ikusi daitekeen moduan, hego handiekin eta luma ugariekin diseinatu dugu. Bere izena, Amilotx da eta Amilotx urdin txoritik dator. Hegazti hau eredutzat harturik, gure pertsonaiaren  hegoak koloreztatzeko oinarritu gara. Jorratuko dugun gaia, autonomia izango denez, txorian oinarritu gara, askatasun kutsu hori irudikatzeko. 

Horrez gain, beste bi pertsonaiak, gure protagonista nagusiaren irudikapen berdina izango dute. Aldaketa bakarra, gure protagonistaren  gurasoak izango dira, hegoen tamainan hain zuzen. 

Ezaugarriak: Txoria txikia denez ahots zorrotza eta mugimendu azkarrak izango ditu. Hasieran beldurtia izango da, baina istorioa aurrera doan heinean beldur hori desagertuz joango da pertsonai ausart eta indartsua sortuz. 

Behin gure protagonista ezagutu duzuen goaz bigarren mailako pertsonaiak ezagutzera:

KOLITX

Hau Kolitx da, eta ikusten denez arrain baten antza du; hori ezkaten irudikapenarekin lortu nahi izan dugu. 

Ezaugarriak: "Nemo-ren bila" filmean oinarrituz, Dory-k "balearen hizkuntza" hitz egiten duena adierazi nahi genuke. Beraz, pertsonai honek, ahots tonu baxua izango du.

NINATX

Pertsonaia hau ez dugu kastorearekin nahastu behar. Honetan, hosto bat irudikatzea nahi genuen.  esan beharra dugu, IKTn egindako dokumentalean oinarritu garela, hau egiteko. Dokumentalean, autonomia kontzeptua, modu abstraktuan irudikatzen dugu, hostoak arboletik askatzen diren unearekin hain zuzen. 

Beraz, ideia horretaz baliaturik, pertsonaia hau sortu dugu. 

Ezaugarriak: Hostoak pixkanaka erortzen direnez, bere ahotsa eta mugimenduak lasaiak izango dira.

TXOPITX

Azkenengo pertsonaia, Txopitx da eta ikusten denez oraindik bere irudia ez dugu argi. Jakin badakigu izaki ugaztun bat irudikatzea nahi dugula baina oraindik lanean gaude. 

Lehengo irudiari dagokionez, elefantea  eta bigarrenean aldiz, zebra irudikatzen da.

Ezaugarriak: Zehaztu gabe.

Post honi bukaera emateko aipatu beharra dago ez dugula pertsonaiak irudiak dituen ezaugarri guztiekin hornitu, modu horretan bistan dagoena irudikatuko dugulako, eta gure lana originala eta berritzailea izatea nahiko genuke. 

Gure taldearen logoa eta eslogana.

Jadanik gure taldeak badauka bere logoa eta eslogana!! saiakuntza ugariren ondoren heldu gara gure helmugara!

Logoa:

Eslogana (aho korapiloa): 

GorringoStar kantu izar

GoStarGorringo arrautza zuringo

Ingo ingo ez ahal dugu egingo

Txorizo, patata eta arrautza gorringo

GorringoStar bazkari edar.

Eszenografiarako kontutan izan ditugun testuak

Gure antzezpena zerotik sortzen hasi behar izan dugunez, beharrezkoa izan zaigu ideia ezberdinak eskuratzea, hainbat informazio iturrietatik. Horien artean, nabarmenena eszenografia burutzeko eskuratu izan ditugun baliabideak izan dira, adibidez, irudiak, testuak eta abar. 

Gaurko honetan ordea, eszenografiaren inguruko testuetan zentratuko gara, eta jarraian irakurritako 7 testuen bibliografiak luzatuko dizkizuegu sarrera honetan. 

Testuen bibliografiak:

- Alonso, A. (2007). El teatro Barroco por dentro: espacios, escenografía y otros recursos de la

comedia áurea. Per Abbat: boletín filológico de actualización y didáctica, 2, 7-46 orr. (2016ko urriaren 7an berreskuratuta).

- Cerbera, J.(2003). Teoría y téctnica teatral. Alicante, Biblioteca Virtual Miguel de Cervantes.

2016ko urriaren 9an berreskuratuta, http://www.cervantesvirtual.com/nd/ark:/59851/bmc6h4d6 orrialdetik berreskuratuta.

- Etchecoin , L. (s.d.). La escenografía demanda mundo. Algunas reflexiones sobre el campo y

el aporte original del escenógrafo Gastón Breyer. Escena 1- escenografía , direcciónde arte y

puesta en escena, 1, 1-5 orr. (2016ko urriaren 7an berreskuratuta)

- Gobierno de Chile CNCA RM eta ADTRES (2013). Herramientas para los Técnicos en Artes

Escénicas. El Diseño Teatral: Iluminación, vestuario y escenografía. LOM, Santiago. (2016ko Urriaren 7an berreskuratuta)

- Ramallo, S.F. (2000). La porticus scaenam en la arquitectura teatral romana. Introducción al

tema. Murcia, Universidad de Murcia.

- Ruesga, N. (2011). Metodología de la Plástica Escénica La producción artística. Anagnórisis,4. 1-22. (2016ko urriaren 6an berreskuratuta).

 - https://proyectandoideas.files.wordpress.com/2009/04/resumen-de-escenografia-basica-para-teatro-actual.pdf 

Asteko erreflexioa

Astebete baino gutxiago geratzen zaigu klaseak bukatzeko, eta praktikaldiei ongi etorria emateko.

Egia esan, gogo handiak ditugu klaseak denboraldi batez ixteko. Haize freskoa behar dugu ahalik eta arinen. Atseden apur bat praktikak hasi aurretik.

Azkenengo aste hauei erreparatuta, edo hobe esanda kurtsoa hasi ginetik gau arte, dexente zoratu gaituztela esan beharra daukagu. Beraz, egoera guzti honen aurrean gure iritzia eta inpresioak azaleratzea ezinbestekoa deritzogu... agian, geroxeago egoera aldatzen da eta auskalo! iritziz aldatu eta  listo! Baina zoritxarrez, orain arte izan ditugun sentsazioak txarrak izan direla esan beharra daukagu.

Gauza gehiegi egiteko eta disfrutatzeko tarte gutxi. Horrek azkenean ikasleon  frustrazioa, haserrea eta estutasuna areagotzen du. Arestian aipatu dugun bezala, praktikak hementxe dauzkagu eta gozatzen ikasteko gogoekin gaude. Esperientzia, teknikak eta ezagutza berriak berenganatzeko gogo izugarriekin noski.

Beraz, hausnarketa eta egoeraren berri eman ondoren esan beharra daukagu azken txanpan gaudela jada!
Eta bueltatzerakoan, lanari gogor ekin behar diogula berriz ere... bitartean disfrutatzera!!

 

Esperimentatzen

Aste guzti hauetan egindako esperimentazio ezberdinak....

Jarraian arteko irakasgaian gure antzezpenerako egindako material ezberdinak ikusi ahal izango dituzue:

Datu interesgarriak

Gelan landutakoari probetxua ateraz...

Jadanik klasean hainbat kontzeptu jorratu ditugu, eta horietatik gehien harritu gaituena plazaratzea interesgarria izango litzatekeela pentsatu dugu.

Irudia eta egilea: vectores del cono invertido, Carlos Iñon

Kono honen sortzailea Carlos Iñon dugu, eta taldeetan jolasean dauden indarrak islatzeko asmoarekin sortu zuen.

Irudian ikus dezakegun moduan, Manifiestotik Latentera heltzeko, konoan zehar hainbat kontzeptu azaltzen dira. Horiek argitzeko asmotan, lehenik eta behin konoaren bi puntu nagusiak zer diren azalduko dugu. Ondoren, horien inguruko definizio edo informazio laburra luzatuko dugu ondorengo puntuetan.

Kontzeptu nagusiak:

• Manifiesto: Taldeetan agerian gelditzen dena izango litzateke.
• Latente: Taldeetan izkutuan gelditzen den guztia.

Kontzeptu batetik bestera igarotzeko eman behar diren pausuak (ezkerreko kontzeptuak):

• Afiliazioa: Pertenentzia sentimendua. Taldeko kidearen sentipena izaterakoan, bertaratzeko gogoak sortzen zaizkigu.
• Kooperazioa: Elkarrekin eraikitzea. Elkarrekin eraikitzera ohitu behar gara.
• Pertinentzia: Beste bi oinarriak finkatzean, azken hau gauzatzea posible izango da, beraz aurreko bi kontzeptuen batura da.

Aipatutako kontzeptuak betetzeko ezinbesteko puntuak (eskuineko kontzeptuak):

• Komunikazioa: Elkar ulertzea, entzuten jakitea.
• Ikaskuntza: Taldekideekin ikaskuntza prozesua burutzea, eta besteengandik ikastea.
• Telé: Taldean lan egiterakoan gure jarrerak kontrolatzea, taldeko partaide guztiekin ez garelako berdin eramango. Gertatzen diren gauzetaz gai sentitzea. Lanerako klima egoki bat sortzea guztion zeregina dugu.

Informazio iturria: Vectores del cono invertido.



ASTEKO ERREFLEXIOA

Esperimentazioaren bidez sortuz...

Gaur  asteazkena IKT gelan, beste egunean hasitako dokumental txikiari amaiera eman diogu. Behin dokumentala bukatu ondoren interesgarria iruditu zaigu gure blogean publikatzea.


dokumental honetan aurkitu dezakezuena hurrengoa da:

• Zer da automia.  
• Autonomiaren inguruko ikuspuntu desberdinak.

Hasteko, autonomia zer den era labur batean azaltzen da. Jarraian, aspektu hau nola landu daiteke ikus daiteke. ondoren, egunerokotasunean nola gauzatzen den ikus daiteke adibide sinple batzuekin eta amaitzeko, autonomia era abstraktu batean irudikatuta agertzen da.

Asteko erreflexioa

Aste hau sentsazioz beteriko astea izan da. Egiteko ditugun lan ezberdinetan gehiago kokatu gara eta horrek estres sentsazioa ekarri digu taldeko partaide guztiei. Lanetan sakonago kokatzerako orduan , benetan konturatu gara zenbat lan geratzen zaigun egiteko eta practicum-erako denbora gutxi dugunez estutzen hasi gara.

Gure taldeari buruzko hausnarketa handia egin dugu aste honetan zehar. Mota ezberdinetako lanak egiterako orduan egoera eta sentimendu ezberdinak nahastu direlako. Gure gela den ohiko lan lekutik atera gara, hau da, kalera irten gara elkarrizketak eta gure lanarekin harremanean dagoen ingurugiro hurbilean dauden faktore ezberdinak aztertzera. Gure artean ez-ohikoa den ekintza honek eta IKT arloan erabili dugun klase bat pentsatzera eraman gaitu. 

Nahiz eta taldeko kideen arteko harreman oso ona eduki, badaude egoera batzuk non gure erlazioa marruskatzen den. Zer esan nahi dugu honekin? Lan bat planteatzen denean eta gure artean ideiak bota behar ditugunean, ez ditugu hitz egiteko txandak errespetatzen . Pentsatzen duguna, atoan konpartitu nahi dugu , ahaztuko zaigulako arrazoiarengatik edo momentuko emozioak horrela gauzatzen duelako. Modu honetan, modu inkontziete batean gure kideen ideiak zapaltzen ari gara eta hori izan daiteke gure antolakuntzaren ahultasun handiena. 

Behin honetaz konturatu eta gero, ekintza hau zainduko dugulakoan adostu dugu, batzuetan goiz antzematen baditugu arazoak, ez direlako inoiz arazo berriro bihurtuko. Beraz, gure ideiak eta egiten ditugun ekintza ezberdinak modu egoki batean aurrera eramateko, taldeko antolatzaile baten beharra sumatu dugu, ideiak eta ekintzak modu ordenatu eta baketsu batean aurrera eraman ahal izateko. 

Egia esan, lanerako talde oso handia gara eta kalera lan egiten atera ginenean bi talde txikitan banatu ginen lana arintzeko eta erosoago lan egiteko. Batzuk, unibertsitatean oso preziatua den esperientziaz beteriko irakaslearengana joan ziren autonomiaren garrantziari buruzko elkarrizketa bat eginez eta bideoan grabatzen. Beste batzuk, gure inguruan dauden autonomiaren adibide asko izoztu zituzten argazki kamera batekin. 

Azkenik, esan beharra dago, ariketa oso baliagarria izan dela, asko esperimentatu dugulako eta gure artean sentsazioak sortu dituelako, bai onak eta baita ez hain onak ere. Askotan gure ahuleziengatik asko ikas dezakegu eta aurretik esan bezala arazoa goiz hartuta konponbide ezin hobea bila genezake. Espero dugu talde moduan lan kooperatibo egoki bat gauzatzea eta hemendik aurrera denak eroso egotea lanean.  

Asteko Erreflexioa

Hegoak astinduz, bidea eginez...

Beste aste bat igaro da, zehatzagoak izateko, ikasturteko 5.astea. Lehenengo asteetan zurrunbilo baten barruan sentitzen ginen, noraezean. Hala ere, pixkanaka gure buruak kokatzen joan izan gara, eta aste honetan, zurrunbilo horretatik argi izpi batzuk ikusten hasi gara. 

Asteetan zehar, ikasturte amaierarako egin behar dugun antzezlanaren gaia aukeratzen ibili izan gara. Hainbat proposamen atera izan ziren, eta eztabaidatzen aritu ondoren, azkenik badugu gure gaia: Autonomia!

Gaia zehaztu genuenean, antzezlanean kokatu genuen gure burua eta ondorengo galdera egin genion geure buruari: Nola irudikatu genezake autonomia gure antzezlanean?. Hainbat ideia atera ziren, eta ateratzen joan ahala, taldeko idazkariak ideiak orrian jaso zituen. Ideia dexente atera izan dira, eta oraindik aterako dira noski. Hala ere, guzti horietatik, erabili edo baliatu nahi ditugun ideia zehatz batzuk baditugu, eta hau kontuan izanik,, azkenean... EKOIZTEN HASI GARA!

Hona hemen, aste honetako gure ekoizpen prozesuaren irudi batzuk: 

Asteko erreflexioa

Aste hau aurrekoa baino pixkat positiboagoa izan da, baina oraindik ikus daitezke estresa, nekea, amorrua eta inkonprentsioa. Elkarrizketak beti berdinak dira, etxerako lan mordoa...horrela lanez gainezka egon arte. Egunero, IKT-ko klaseetan esan behar ditugun hitzetan nabaritu egin da egoera hau. Lasaiago gaude IKT-ko irakasgaiarekiko, baina hala ere, hitzak ez dira oraindik positiboak izaten ari. Gehienak negatiboak edo neutroak dira.

Arreta deitu digun gauzetako bat, aurreko urteetako portfolioak ikustea izan da. Zelako lana!!!! Harriturik geratu gara...Batzuk oso landuak zeuden...profesionalak izango balira bezala. Horiek ikustean, lehenengo sentzazioa, harridura eta ezintasuna izan da. Nola egingo dugu guk horrelako portfolioa?? Ez daukagu horrelako lan osatu bat egiteko denbora askorik!... Izan ere, unibertsitatetik kanpo batzuk lan egiten dugu, eta bestelako ardurak batzuk ditugu. Hala ere, ideiak hartzeko eta horiek ordenatzeko balio izan digu.

Ea zer eskaintzen digun hurrengo asteak...

Asteko erreflexioa

Bizi izan dugun aste honetan hainbat emoziok hartu dute parte, batez ere emozio txarrak, giroan estresa somatzen zen...

Klasea bukatzerakoan, hitz bat esateko eskatzen digute, eta aste honetan gehien entzun ditugun hitzak ez dira oso positiboak izan (beltza, estresa...).

Agian pazientzia pixka bat behar dugu, etorkizunean pentsatzeari utzi. Hemen eta orain zer gertatzen den aztertu behar dugu, momentuan momentukoa.

Jarrera positibo bat izanez gero, dena errazagoa ikusten da. Unibertsitateko azken urtea dela kontuan harturik, gugatik hoberena eskaintzen saiatu behar gara, eta horretarako estresak eta jarrera txar batek ez digu laguntzen. Gure barrenak positibotasunez bete behar ditugu, arazoak gainditzen saiatu, hauen aurrean gelditu beharrean.

Hemen eta orain egotea da garrantzitsuena, hemen eta orain gaude, hemen eta orain dago gure etorkizuna, gu gara gure bizitzaren jabe eta positibotasunez jokatzen baldin badugu, bizitzak gauza positiboak itzuliko dizkigu.

Hasiera...

-  Urte berri bat, ikaskide berdinak, leku berdinean... -

Gorringo Star, 2016

Hasi egin aurretik analisi bat egitea oso garrantzitsua da. Zer egingo dugu analisi honetan galdetuko duzue, ezta? 

Hasteko non gauden ikusi beharko dugu, hau urte osoan zehar egin beharreko jarduera bat izango da, beti puntu zehatz batetik bestera ibiliko gara eta. Hasierako egun hauetan oso galduta sentitzen gara, denbora larri, gauza asko egiteko. 

Honekin hurrengo atalera heltzen gara, nora goaz. Gure helmuga irakasle ondo prestatuak izatea da, edo beste kasu batzuetan, master ikasketei bideratutako bidea da. Horretarako azkenengo urte honetan Dramatizazio Minorra aukeratu dugu, minor guztietatik interesgarriena, eta beharrezkoa den guztia bere osotasunean lantzen duen bakarra. Minor honi praktikotasun handiena ikusten diogu, HHko gela batean egunero gertakizun desberdinak gertatzen direlako, eta gertakizun horiei aurre egiteko inprobisasioa erabili beharko dugu; minor hau alde horretatik asko lagunduko digu. 

Bukatzeko azkenengo puntura joko dugu. Nola egingo dugu? Momentu honetan kokatzen hasi egin gara. Hasiera denez pixka bat galduta sentitzen gara baina horrek ez du gure motibazioa amatatuko.

Polita iruditzen zaigu gure motibazioa plazaratzea, modu horretan, etorkizunean, hau berriz bizitzeko aukera izango dugu; esaldien bidez egingo dugu. 

Egun txarren eta onen artean dagoen desberdintasun bakarra honen aurrean daukagun jarrera da. 

Pentsamendu positibo bakarra egun oso bat alda dezake. 

Egizu gaurko eguna egun ahaztezin bat.

Ikusiko dugu zer datorren ikasturtean zehar...