Agur lagunok, zorte on!

Urte osoan gure proiektua eraikitzeko lanean buru belarri aritu gara. Antzezlana prestatzeaz gain   blog eta sites bat zabaldu egin genuen ere. Hauetan prozesua eta bizitako esperientziak jaso genituen. Kurtsoa bere amaierara heldu denez, blog honi bukaera ematea beharrezkoa da, horretarako, hurrengo lerroetan  bizitako prozesuaren laburpena ikusi ahal izango duzue:

Bloga zabaldu genuen lehenengo egunean esaldi batekin zabaldu genuen:

Urte berri bat, ikaskide berdinak, leku berdinean... -

Gorringo Star, 2016

Eta egia zen, berria zen bakarra momentu horretan urtea zen eta ez genekien etorriko zen guztia nola biziko genuen. Lehengo asteetan estrés handia bizi izan genuen baina pixkanaka sentimendu horiek positiboagoak bihurtzen hasi ziren. Bide positibo horretan murgilduta geundela, gure sorkuntza prozesua hasi zen, gure lehengo ekoizpenak sortuz; dokumentala, atrezzoa eta abar.

Baina poztasun momentu horiek gutxi iraun zuten, talde lanean aritu ginen, eta zenbait arazo genituela konturatu ginen; zer egin behar genuen bagenekien baina gure ibilbidea ezin genuen zehaztu iritzi desberdin gehiegi genituelako. Ondorioz Alaitzek emandako Carlos Iñonen testu baten  (vectores del cono invertido), talde terapia egin genuen, gure rolak pixka bat banatuz eta taldearen funtzionamendua asko hobetuz. 

Behin taldearen egoera apur bat hobetu arren, lanean jarraitu genuen, testuak landu genituen, dokumentuak idatzi, sitean eduki gehiago sartu genuen, logoa eta eslogana sortu genituen, pertsonaiak eta abar. 

Baina, dena hain ondo zihoan momentuan praktiketara joan ginen. Praktikak, leku desberdinetan egin genituen, Gasteizen, Aramaion, Aretxabaletan, Matienan, Galdakaon eta Bilbon. Taldekide batzuk, dramatizazioa nola lantzen zen ikusteko aukera izan genuen; esaterako, eskola batean, itzal txinatarrak. Horrez gain,  abestiak modu desberdinetan dramatizatzen zituztela ere ikusteko aukera izan genuen.

Praktikaldian oso gustora egon arren, bukatzeko eguna heldu zen eta, unibertsitatera bueltatzera tokatu zitzaigun. Buelta gogorra egin zitzaigun eta gainera, lehenengo egunean gure kezkak eta zalantzak argitzea beharrezkoa ikusten  genuen, gure antzelanarekin aurrera egiteko. Horretarako,  dinamika baten bidez  ideia zaparradak batuz, esku artean geneukaguna antolatzeko lagungarria izan zen.

Behin zalantzak argitu ondoren eta egin beharreko guztia jakinda,   lanari gogor ekin genion eta gure antzezlanerako ideia desberdinak hartzen joan ginen. Horretarako, teatro paraisoko antzezpen bat ikusi genuen, eta  bertako aktoreekin hainbat esperientzia bizitzeko aukera izan genituen.

Lanean fin aritu ginen bitartean azkenengo asteak heldu ziren eta horrekin batera entseguei hasiera eman genien. Entseguak egiten genituen bitartean  antzerkiaren atal garrantzitsuenak dokumentatzen joan ginen.
 
Amaitzeko gure antzelana antzeztu eta emaitzarekin oso pozik gelditu garela esan beharra dugu, urte osoan egindako lana publikoari helaraztea lortu dugulako.

Antzerkia

Oraingo honetan gure azken lanaren inguruan hitz egingo dugu. Hilabete hauetan hainbeste lan egin eta gero momentua heldu da, hau da, antzezteko momentua iritsi da. Asteazkena, urduritasunez beteriko eguna izan zen . Lehenengo antzerkiak hasi ziren, eta ikusle moduan aritzeak, gure burua momentu hartan kokatzeak ekarri zuen. Gure kideak bizi ari ziren nerbioak eta azken prestakuntzak hurrengo egunean biziko genituela ohartu ginen.

Osteguna heldu zen, gure antzezlanaren eguna. Goizeko lehen ordutik ezinegona nabaria zen gure gorputzetan eta entsegua egiteko beharra sumatzen genuen momentu oro. Segurtasun eza handia sentitu genuen eta azkenengo prestakuntzak egin genituen. Irakasleei hurbildu eta antzerkia egin baino lehen entsegu bat egitea nahi genuela esan genien. Erantzuna, baiezkoa izan zen baina ostegunean antzeztu behar zuten beste talde batekin konpartitu behar izan genuen. Haiek, lehenengoak izan ziren, modu honetan gure atrezzoa prestatua egongo zen geroko. 

Denbora pasatu eta arazoak sortu ziren elementu ezberdinekin, beraz, beste taldearen entsegua luzatu egin zen. Horrek, kaltea ekarri zuen gure taldera, ezin izan genuelako entsegu oso bat egin. Gainetik birpasatu genuen gure antzerkia eta bat-batean gure ikusleak etorri ziren. Gure burua seriotasunean kokatu eta hasi ginen. Dena oso azkar pasatu zela gogoratzen dugu, hainbeste bider errepikatu izana eta momentuko urduritasunak, antzerkia bolada baten pasatu zela dirudi. 

Esan beharra daukagu, emaitzarekin oso ondo sentitzen garela eta lan gogorra egin dugula uste dugu. Hona hemen egindako antzerkairen argazki batzuk.

Azken txanpa!!

Aste bat igaro da eta hemen gaituzue berriro!!

Kurtsoko azken astea dugu unibertsitatean, eta jada urduritasunak nabaritzen hasiak dira. Aste honetan azkenengo entsegua eta antzerkiaren aurkezpena daukagu. Gure proiektua bere amaierara heltzen ari da eta egia esan, alde batetik gogotsu gaude, baina beste batetik oso urduri. Izan ere, orain arte izandako entseguetan gauza batzuk ez dira guk nahi bezala atera. Beraz, azkenengo entseguan dena ondo antolatuta eta prest utzi behar dugu, proiektuaren aurkezpenean dena ondo irten dadin. 

Antzezlaneko atrezzoari dagokionez, oraindik ere gauza batzuk amaitzear ditugu, baina zorionez, azkar bukatu ditzakegun gauzak dira, konplexutasunik gabekoak. Pertsonaien janzkerak ordea, amaituta dauzkagu, eta horrek ere atrezzoko objektuetan zentratzeko aukera gehiago ematen digu. 

Lan idatziei dagokienez, aipatu beharra daukagu proiektuaren inguruko lana amaituta dagoela, nahiz eta oraindik zuzenketa batzuk burutu behar izan. Hala ere, Hizkuntza Plastiko eta Ikusizkoa izeneko irakasgaian, lan bat amaitzear daukagu, eta honek ere gure estresa areagotzen du. 

Laburbilduz, aste hau nahiko estresantea izango dela sumatzen dugu, gelditzeko aukerarik emango ez diguna. Beraz, arnasa sakon hartzea eta guztiari ahal den moduan aurre egitea tokatzen zaigu, dauzkagun indar guztiak ateraz. 

Antzezlanaren aurkezpena aste honetan izango denez, honen sipnosia utziko dizuegu ondorengo lerroetan, baina benetan zer gertatzen den ikusi nahi baduzue, ostegunean eguerdiko 14:00etan, Hezkuntza eta Kirol fakultateko gimnasioan itxaroten zaituztegu. Besterik gabe, aipatu moduan, hona hemen sipnosia: 

Egun batean protagonistaren gurasoak janari bila joan ziren. Txoria bakarrik zegoela, haize bolada batek bere habia basoan barrena eraman zuen. Noraezean sentitzerakoan bere gurasoen falta sumatu zuen. Hain txikia zenez ez zekien hegan egiten eta basotik ibiliz haien bila abiatu zen. Bidean barrena pertsonaia desberdinekin topo egin zuen eta hauek haien laguntza eskaini zioten autonomia mota desberdinak azalduz.

Kaixo irakurle maiteok! Hemen gaude berriz gorringostar taldea! Aste hau oso mugitua izan da... izan ere, gure antzerkiko lehen entseguak izan ditugu!!! Eszenatokia probatzen egon gara, pertsonaia bakoitzak egin behar dituen mugimenduak antolatu, argiztapena probatu etab!

Hona hemen artzerkiari buruzko argazki batzuk......

Horrez gain atrezzoan aldaketa batzuk egin ditugu eta objektu berriak ere sortu... hona hemen adibide batzuk...

Eta ez ahaztu!! Asteazken eta ostiral honetan, musikako irakasgaian gure dantza eta ipuin musikala ikusteko aukera izango duzue! Asko ensaiatzen ari gara, beraz, espero dugu ondo ateratzea eta zuei asko gustatzea!

Ikusiko dugu zer eskaintzen digun hurrengo asteak...

Staying alive!

Hausnarketarako momentua

Kaixo lagunak!

Pasaden egunean gure Bloggaren eta Sites-aren buruzko aurkezpen bat egin genuen klasean. Aurkezpen honen bidez gure klase-kideek kurtsoan zehar egin dugun lana ikusi eta zenbait ideia hartu ahal izan zituzten.

Aurkezpena egiten genuen bitartean gure plataformek zituzten zenbait "arazo" edo "ahulezi" detektatu genituen, horregatik sarrera honen izenburua, hausnarketarako momentua heldu delako.

Ikusi ahal izan dugu, nola gure lana zentratu egin da batez ere bakarrik informazioa botatzean, eta ez benetako eta baliozko hausnarketa bat egitean. Horregatik talde bezala pentsatu dugu, beharrezkoa dela egin dugun lanari buelta bat ematea, hau gure etorkizunerako baliozkoa izan dezan.

Beraz, egoera hau ikusita lanari ekingo diogu eta gure buruak zentuko ditugu plataforma hauei etekinik handiena ateratzeko.

Otsailak 4: Kunarte eta Kiribil antzerki taldea

Otsailaren 4an Kunartek haien etxeko ateak zabaldu zizkiguten eta bertan, Iparraldeko Kiribil antzerki taldearen eskutik, ikuskizuna eta tailer zoragarria prestatu zizkiguten. 

Goizeko 9:00etan ailegatu ginen haien etxera, eta errezepzioa bigarren solairuan izan zen. Instalazioak egiten duten lekua ikusteko aukera izan genuen. Espazio zabala eta aukera anitzekoa zen. Behin han egonda, Kiribil taldeko kide bat etorri zen, ikusiko genuen antzezlanaren zuzendaria hain zuzen, eta antzerkiari buruzko eta taldeari buruzko ezaugarri batzuk azaldu zizkigun. Egia esanda bere ikuspuntua oso interesgarria zen, batez ere Haur Hezkuntzari begira, mugimenduari garrantzi handia ematen ziolako. 

Antzerkiaren nondik norakoan azaldu zizkigun, zertan oinarritzen zen oinarrituz. Amaia Hennebutek, Kiribileko zuzendari nagusiak, Euskal Mitologiari buruzko antzezlan bat prestatzeko eskatu zion Jean-Philippe Leremboureri. Bera gai hau hartu eta jaiotza eta prozesua aurkeztu zuen, musikaren eta gorputzaren bidez, hitza erabili gabe. 

Azalpen hori jaso ondoren, beheko solairura joan ginen, antzeztokira. Han ez zeuden aktoreak eta zuzendariak bakarrik, 4-5 urteko umeak ere zeuden. Taldeko guztiok ikusi egin ditugu antzerkiak noizbait baina hau guztiz desberdina izan zen, ez bakarrik antzerki mota zela eta baizik eta umeak ikustea eta haien erreakzioak bizitzea oso interesgarria izan zelako. 

Antzerkia benetan polita eta berezia izan zen, eta gure antzerkirako zenbait ideia eman zizkigun; gure atrezzoa egiterakoan, material naturalen erabilpena, eta beste alde batetik Amaiak antzezten zuen pertsonaiaren garapena, lehenengo ez daki ezer eta gutxika esploratzeko grina dela eta aurreratuz doa. 

Esan bezala umeen erreakzioak ikuste izugarrizkoa izan zen, espero ez genuen interakzioa egon zelako. Adibidez momentu batean pertsonaiak ahoarekin soinuak egiten zituzten eta umeek hauek errepikatu edo pertsonaiak argi gorriarekin argiztatuta zegoen ura ukitzean ume batek “agua quemada” zela esan zuen, sua eta kolore gorria konektatuz. Beraz oso interesgarria izan zen hau ikustea.

Bukatzerakoan umeak agurtu eta zuzendariaren notak entzuteko aukera izan genuen. Zuzendari, aktore eta teknikoaren arteko hartu-emana ikusi genuen, asko ikasiz. Gainera hori bukatzerakoan galderak egiteko aukera eman ziguten, eta momentu hartan gai oso interesgarriak atera ziren: Zertarako umeentzako antzerkia egitea, isiltasunaren indarra eta abar. 

Hori bukatzerakoan, atseden txiki bat eduki ondoren, tailerra joan ginen. Tailer honetan maskarekin jolastu egin genuen. Lehenengo zurezko maskararekin, eta hauek ematen dituen adierazpen aukerekin (gorputzaren bidez transmititzea eta ez aurpegiarekin besteak beste). Bigarrenik gorputza aktibatzeko zenbait koordinazio ariketa egin genituen. Hirugarrenik, paper batzuetan hiru lerroen bidez gure maskarak margotu genituen, gero hauen izaera ibiltzeko eran adieraziz musikaren erritmoa jarraituz. Eta bukatzeko boluntarioek azkeneko ariketa egin zuten: maskara bati izaera eta bizitza ematea, gero antzezteko. Gure taldeko Amaiak ariketa hau egin zuen, bere maskararen bidez pertsonai beldurgarri bat sortuz.

Jean-Philippe Leremboureri antzerkia hasi aurretik azalpenak ematen

Amaia Hennebut tailerraren nondik norakoak azaltzen

Maskara errealen ariketa

Paperean egindako maskarak

Maskara bati bizitza eman

Jardunaldiak- Teatro Paraíso

Eguerdi on irakurleok!

Gaurko egunean, Teatro paraísok eskainiko diguten jardunaldiei hasiera eman diegu. Horretarako gaur hitzaldi bat izan dugu testuinguruan kokatzeko, eta bide batez, beraien esperientziak azaldu dizkigute. 

Bertan, duela urte batzuk sortu zuten KunArte proiektuari buruz hitz egin digute eta egia esan, oso interesgarria iruditu zaigu. Horrez gain, haurrarekiko daukaten ikuspegia erakutsi digute, eta gure ikuspuntua zabaltzen lagundu digute. 

Biharko egunean beste jardunaldi bat izango dugu eta horretarako, beraien etxeko ateak zabaldu dizkigute. Hori dela eta, hurrengo egunetan bihar biziko ditugun esperientziak partekatuko ditugu. 

EKIN LANARI!!!

Kaixo egunon irakurleok!!

Lanean buru belarri daramatzagu eta egia esan, praktikak bukatu genituenetik, Unibertsitateko irakasgaietako lanetatik, nahiko deskonektatuta ibili gara. Beraz, egoera hau ikusita, ikt-ko irakasgaian gure buruak zentratzeko asmoarekin, dinamika bat egin izan dugu, gure burua birkokatzeko.

Hau guztia kontuan izan ondoren, moduluko lanarekin guztiz murgilduta gaude. Aste honetan gaiaren gidoia osatzen hasi gara, nahiz eta gure gaia antzerkira bideratzeko, arazo batzuk izan. Gidoiaz aparte pertsonaien janzkerak ere sortzen ari gara eta aldi beran, gure pertsonaien fitxa eraikitzaeri ere.  

Lan ugariak direla eta, aste nahiko estresantea ari gara bizitzen. Alde batetik, lan kopuruari eta bestetik, taldeko adostasunak bilatzeari dagokionez. Aste nahiko estresantea ari gara bizitzen, lan ugariak direla eta. Baina apurka-apurka bagoaz gure antzerkiari forma ematen.       

                                            Hurrengora arte!!!! 

Unibertsitatera buelta!

Eguerdi on irakurleok!!!

Unibertsitatean gaude berriz ere, eta ondorioz,  gure burua birrantolatzea tokatzen zaigu!!

Hasteko, jada aurreko sarreretan aipatu izan dugun moduan, antzezlan bat prestatzen ari gara, pausoz pauso. Hori dela eta, hausnarketa bat egin dugu, orain arte jasotako edukiak eta baliabideak mahai gainean jarriz. Lehenik eta behin, esan beharra daukagu, aipatutako prozesua bakarka egin dugula eta ondoren guztiok batera bildu eta bakoitzaren ideiak komentatu ditugula. Ateratako ideia guztietatik esanguratsuenak bildu eta idatzi ditugu.

Jarraian agertzen diren irudietan beraz, orrian jaso izan dugun guztia ikusi ahal izango duzue:

Bistakoa denez, oraindik  ez daukagu antzezlanaren inguruko ideia finko bat, baina espero dugu poliki-poliki ideia finkatzen joatea. Dena den, lanean jarraituko dugu buru-belarri!

Practicumaren amaiera

Gabon irakurleok!!

Aurretik aipatutako moduan aste honetan bi sarrera izango ditugu. Gure practicum-a amaitu da eta orain unibertsitatera bueltatzeko ordua da. Pena handiz amaitzen dugu esperientzia hau eta pertsonalki esan dezaket oso esperientzia atsegina dela. Hezitzaile rola hartu eta gero nire ezagupenak eta esperientziak handituz joan dira , azkenean errealitatean kokatu egiten gara eta unibertsitatean landutako gauzak praktikan jartzean benetan ikasteak ekartzen du. Oso baliagarriak izan dira praktika hauek eta laister egoera horrerata bueltatzea espero dut.

Agur polita izan zen, jaialdi txiki bat antolatu genuen non haurrek musika, merendola eta eskulanak egin zituzten. Haiek egindako argazki album bat oparitu zidaten eta oso eskertuta nago jaso dudan tratuagatik. Irakasle nahiz ikasleak oso ondo zaindu naute egonaldi honetan eta egoera errealak bizitzen lagundu didate.

Orain, unibertsitatera bueltatzea dagokigu, gure azken lanak antolatu eta aurkezteko. Oso denbora gutxi dugu eskatutako guztia antolatzeko, egian esan ikasturte honen antolakuntza zoratuta gaitu baina esfortsu handiz guztia antolatuko dugu modu honean gure ikasketak amaitzeko.

Besterik gabe, datorren astera arte !!!

Praktiketako azken aurreko astea

Kaixo irakurle maiteok!!

Gure praktikaldiak amaitu zaizkigu! aurreko astean ez genuenez sarrera berririk egin, aste honetan aurreko astearen inguruko sarrera bat eta aste honetako beste eskegiko ditugu!

irakurtzen ari zareten sarrera hau beraz, aurreko asteari begira egingo dugu! Urtarrilaren 9tik 13ra bitartean, San Martin ikastetxeko 2 urteko gelan, 3 abesti berri aurkeztu zitzaizkien haurrei, esaterako: ikusi makusi, kuku kuku eta pingui pinguino. 

Gaurko honetan hortaz, aurreko sarrera batean egindako berbera egingo dugu baina beste abesti bat aurkeztuz! oraingo honetan pingui pinguino abestiari zein mugimendu atxikitzen dizkioten azalduko dugu, zeuok ere praktikan jarri ahal izateko. 

Ezertan hasi baino lehen, "pingui pinguino" izeneko abestiaren letra zein den plazaratuko dugu:

Pingui Pinguino, txiki txikia

plist! plast! plist! plast!

sabela zuria.

Plist! plast! plist!plast!

sabela zuria.

txano borobila, bufanda gorria

plist! plast! plist! plast!

dotore jantzia.

plist! plast! plist! plast!

dotore jantzia.

ur hotzetan, ezkuin eta ezker

plist! plast! plist! plast!

mokoa luze oker.

Plist! plast! plist! plast!

mokoa luze oker.

negua heltzean, lodi lodia

plist! plast! plist! plast!

mugitu ipurdia.

plist! plast! plist! plast!

mugitu ipurdia.

(x2)

Abestiaren letra zein den jakinda, orain egiten diren mugimenduak azalduko ditugu:

1. Pingui pinguino txiki txikia. (eskuekin txikia kontzeptua azaldu)

2. Plis! plast! plist! plast! (txaloak, eskuetatik hautsa kentzen dugun moduko mugimendua eginez)

3. Sabela zuria. (esku batekin sabela igurtzi)

4. Txano borobila, bufanda gorria. ( txanoa irudikatu hatzamar batekin zirkulua irudikatuz buruan, bufanda, esku batekin bufanda lepotik bera zintzilik irudikatu)

5.Plis! plast! plist! plast! (txaloak, eskuetatik hautsa kentzen dugun moduko mugimendua eginez)

6. Dotore jantzia (bi eskuekin gorputzaren irudia jarraitu, goitik bera)

7. Ur hotzetan eskuin eta ezker (eskuak eskuinera eta ezkerrera mugitu)

8. Plis! plast! plist! plast! (txaloak, eskuetatik hautsa kentzen dugun moduko mugimendua eginez)

9. Mokoa luze oker. (esku batekin mokoa irudikatu, ahotik hasiz eta beherutz)

10. Negua heltzean, lodi lodia (besoak zabaldu arku itxurarekin)

11.Plis! plast! plist! plast! (txaloak, eskuetatik hautsa kentzen dugun moduko mugimendua eginez)

12. Mugitu ipurdia (ipurdia mugitu)

Azaldutako guzti hau praktikan jartzeko, hona hemen abestia!

Gabonetako oporren azken astea!

Arratsalde on guztioi! Hemen gaude berriz, sarean! Aste honetan Presentación de María ikastetxeari buruz hitz egingo dugu. Ikastetxe hau, super proiektu batean murgilduta dago. Ikastetxea ospitalea bihurtu dugu, PRESENKIDETZA izenekoa. Ospitalearen izena bi hitz hauetatik eratorritik sortuta dago: PRESEN (tación de Maria) eta (osa) KIDETZA. Proiektu oso polita eta interesgarria izaten ari da, ikastetxe osoan lanean dauden pertsona guztiak parte hartzen dutelako. Hala nola, irakasleak, gurasoak, ikasleak...

Proiektu honi hasiera emateko, gela bakoitzean medikuntzarekin zerikusia duen espezializate bat oinarritzat hartu du eta lanean jarri dira. Gure kasuan, 3.urteko gela hartuko dugu abiapuntutzat eta aukeratutako espezialitatea pediatria izan da. Irakaslearekin batera, proiektua aurrera eramateko zenbait baliabide prestatu dituzte: Itxaron gela, medikuaren mahaia, ordenagailua, erradiografien arbela... Honekin batera, esan beharra dugu ikasleen gurasoek izugarri inplikatu direla proiektua gauzatu ahal izateko medikuek behar dituzten objektu asko ekarriz: tiritak, bendak, gomazko eskularruak, erradiografiak, maletinak...

Behin proiektuari amaiera emateko, erakusketa prestatzeko aukera iritsi zen.  Gainera ikastetxe honetan ikasten ari diren HH-ko goi zikloko ikasleak,  osasunari buruzko musikala prestatu eta aurkeztu zuten. Azkenik ikastetxera bi anbulantzia etorri ziren, umeei barrutik nolakoak diren erakusteko. Proiektuaren ondorio bezala guztiz aberasgarria izan dela esan dezakegu.

Eta hau dramatizazioarekin zer ikusirik badu? Bai, asko! Umeak proeiktu osoan zehar asko inplikatu baitirelako, zehazki: abestiekin, jolas sinbolikoarekin eta ekintzekin, bakoitzak barruan gordeta duen dramatizazio potentzial guztia azalaratuz.

Zein polita den umeak dramatizatzen ikustea! Gora dramatizazioa!

Hurrengora arte, ondo pasa eta disfrutau!!!

:)

Dramatizazioa lantzen ikastetxe desberdinetan

Kaixo berriz gure irakurle maiteok!

Badakizuenez, praktikaldian murgilduta gaude eta bertan nola lantzen den dramatizazioa ikasgeletan behatu ahal izan dugu. Sarrera honetan San Prudentzio Ikastetxean (Gasteiz) nola lantzen den azalduko dugu.

Ikastetxe honen kasuan 5 urteko umeek batez ere ingelesa lantzen dutenean dramatizazioa erabiltzen dute. Bertan proiektuka ibiltzen dira eta orokorrean plangintza hurrengoa da: proiektuan zehar istorio edo ipuin bat ikastea, honekin erlazionatuta dauden zenbait ariketa egitea eta azkenik, ipuin edo istorio hau errepresentatzea.

Ipuina edo istorioa errepresentatzeko kartoi mehe bat eta berrerabili ahal diren zenbait pegatinak erabiltzen dituzte. Istorioa edo ipuina aurrera doan heinean umeek pegatinak mugitzen dituzte (hauek pertsonaiak direlako) eta beraiek egiten dute kontaketa. Orokorrean umeek oso gustora egoten dira ekintza hau egiten eta oso ondo ikasten dute ipuina edo istorioa, gainera ingelesez.

Gure ustez, ariketa hau guztiz baliagarria da eta gainera polita, umeek gustora ibiltzen direlako.

Dramatizazioa praktiketako egonaldian

Kaixo irakurle agurgarri horiek!

Jada oporretan gaudela gogoeta txiki bat egiteko garaia heldu dela uste dugu. Horretarako gure praktiketako egonaldiari buelta bat eman diogu dramatizazioa nola lantzen den gogoratzeko.

Hori egin ostean konturatu egin gara dramatizazioa dantzaren edo ipuin kontaketaren bidez lantzen dela. Hurrengo lerroetan Traña-Matienako Herri Eskolan nola lantzen den azalduko dugu.

Matienan dramatizazioari ez zaio garrantzia ematen, plan orokorrean behintzat. 3 urteko gela batean irakasle berritzaile bat dago, eta honek dramatizazioari garrantzi handia ematen dio.

Lehenik eta behin irakasle honek ipuin bat aukeratzen du. Bigarrenik ipuina bi astez gutxi gora behera kontatzen du; modu horretan umeek istorioa ezagutzen eta barneratzen joango dira. Behin bigarren pausu hori eginda hirugarren bat dator: ipuina dramatizatzea.

Horretarako pertsonaiak banatzen ditu. Adibidez otso bat, orein bat, txerri bat, untxi bat eta hartz bat. Modu horretan bost pertsonai izango lirateke bakarrik, hori dela eta bi aukera ditu buruan; edo pertsonai berdinak errepresentazio berdinean biderkatzea edo funtzioa behin baino gehiagotan egitea. 

Behin pertsonaien kontua argi izanda, hauek nola karakterizatu daitezke bere kabuz lantzen du; pertsonaien aurpegiak kareta bihurtzea. Pausu honetan nik egingo nukeena: karetak edo jantziak haiekin prestatzea eta haien parte hartzea sustatzea.

Beraz bere ideia berritzaileak egokiak iruditzen zaizkigu, baina gure ustez umeen inplikazioa falta da. Umeen parte hartzea sustatzeko mila modu daude horietako batzuk ipuinaren aukeraketa, kontatzeko modua (txotxongiloak, itzal txinatarrak...) pertsonaien aukeraketa edo hauen karakterizazioan parte hartzea izango litzateke.

Beraz berriz ere, dantzarekin gertatzen den bezala, umearen parte hartzea sustatzen ez badugu, nahiz eta ariketa berria izan eskema zaharra jarraitzen du; irakasleek askatasuna ezabatzen dute eta ez diete parte hartze aktiboari garrantzia ematen.

GABONAK ATE JOKA!!

Arratsalde on!

Duela bi aste, udazkena proiektuari amaiera eman genion eta beste proiektu berri batekin hasi baino lehen, etenalditxoa izan dugu gabonei ongi etorria emateko. Ohiko ordutegia jarraitu izan dugu, baina datozen egunak bereziak direnez, jarduera bereziak prestatuko ditugu. Arestian aipatu bezala,  azkenengo aste bi hauetan, hainbat gauza egin ditugu!! Hasteko, euskararen astea ospatu dugu,  horretarako euskal kulturarekin erlazionatutako hainbat abesti ikasi, dantzatu ditugu.

Gainera euskararen maskotatxoa ezagutu dugu! Euskararen txantxangorria! Istoriotxoa ezagutu ondoren eta euskararen inguruan luze hausnartu ondoren, ikasleei txantxangorriaren irudiak banatu dizkiegu, zetazko koloretako bolatxoekin txoritxoa apaintzeko eta ondoren gela apaintzeko. 

Euskararen astearekin batera, zinemara joan gara ere, kroko dragoi txikia ikustera! ikasle guztiak ikaragarri disfrutatu dute, egun horretako gairik inportanteena bihurtu baita!! Hurrengo egunak gabon kantak aukeratzeari ekingo diogu. Behin gustoko gabonkantak aukeratu ondoren, entseguak prestatu, azaroaren 22 an Olentzerori eta Mari Domingiri ongi etorria emateko. Bitartean aurretik geratzen zaizkigun egunak disfrutatu, txintxo ibili eta zoriontsuak izan!

                                                                                            Urte Berri On

Praktiketako 5.astea

(Azaroaren 28tik abenduaren 4ko sarrera, zirriborroetan geratutakoa)

Hemen gaituzue berriro gure praktiketan bizi ari garen esperientzia berriak konpartitzen.

Honako aste honetan, udazkeneko gaiarekin amaitzeko eta euskararen eguna aurretik ospatzeko asmoarekin pintxo lehiaketa izan dugu ikastolan!!!

Lehiaketa honetan Haur Hezkuntza, Lehen Hezkuntza eta Derrigorrezko Bigarren Hezkuntzako neska mutilak parte hartu dute.

Gure gaiarekin lotura duen pintxoa egin dugu: itsasbasoko nahaskia. Denon artea prestatu dugu txanpiak, gulak eta arrautzak sukaldatuz. Hain goxoa egon da zein Lehiaketa irabazi dugula!!!! Txapeldunak HH5-eko neska- mutilak!!

Aste honetan amaitu izan dugu gai hau lehiaketarekin eta guk eginiko udazkeneko erakusketa batekin. Bertan, fruitu lehor ezberdinak, perretxikoak , hostoak etab. ikusgarri daude guraso nahiz gainerako ikasleentzako.

Gure esperientzia handitzen doa eta hurrengo gairako prest dauzkagu ideia guztiak. GABONAK!!!

praktikaldian egiten ditugun ekintzak¡¡

Kaixo¡¡

Astero moduan hemen gaude praktikaldian bizi, ikasi eta egiten duguna kontatzen.

Dakizuenez, Abenduan gaude eta jadanik eskoletan gabonak lantzen hasi gara. Haste hauetan dramatizaziorekin loturiko jarduera desberdinak ikusi izan ditugu. Eskola batzuetan Gabonak gai bezala hartuta proiektu bat garatzen dute eta horretarako ekintza desberdinak egiten dituzte, zuhaitzak margotu, abestiak ikasi eta abestu, dantzak, gaztain festa....

Beste eskoletan berriz, haurren adinaren arabera oso txikiak direnez, olentzero ikustera joaten dira patiora edo olentzeroren abestia ikasten dute eta abesten dute, keinuak erabiliz.

Horrez gain, haste honetan deigarriena edo gustatu izan zaiguna, urte bateko gelan haurrak txotxongiloak gustukoa dutenez, jolasteko atera dugu eta txotxongiloen pertsonaiak aprobetxatuz, txano gorritxuren ipuina kontatu diegu, pertsonaien ekintza desberdinak eginez. Haurrak oso gustora egon dira eta asko gustatu zaie. Ipuina entzun eta gero haurrak txotxongiloak hartu eta beraiek antzezten saiatu dira.

Praktiketako 4.astea

Jada pasa zaigu beste aste bat...eta hortaz...hemen gaituzue berriro!

Gure praktikaldiak aurrera doazen heinean, gure esperientziak ere aberastuz doaz. Egun hauetan dramatizaio arloarekin loturiko hainbat jarduera burutu izan ditugu. Gaurko honetan gure geletan lantzen den abesti bati zein keinu atxikitzen diogun azalduko dugu.

Abestia "ikusi ikusi han" izenekoa da, eta ondorengo lerroetan abestiaren letra jarriko dugu:

Ikusi ikusi han 

teilatu gainean 

kriston aberea 

triziklo batean 

tronpa du aurrean 

isatsa atzean

ja ja ja ja 

elefantea da! 

(x8)

Abestiaren letra kontuan hartuz egiten diren mugimenduak: 

1. Ikusi ikusi han (eskuak begiak seinalatuz eta gero aurrera seinalatuz)

2. Teilatu gainean (teilatuaren forma egin eskuekin)

3. Kriston aberea (esku biekin borobil handi bat irudikatu)

4. Triziklo batean (besoak zirkuluan mugitu eta hankak astindu)

5. Tronpa du aurrean (bi besoekin tronpa irudikatu)

6. Isatsa atzean (eskuetako bat ipurdiaren parean jarri eta ezker eskuin mugitu)

7. Ja ja ja ja! (bi eskuekin sabela kolpatu poliki)

8. Elefantea da ( esku bateko hatz erakuslearekin gora-behera mugimenduak egin)

Guzti hau jakinda, orain zuen txanda da!!

Praktiketako 3.astea

Kaixo irakurle maiteok! Aste honetan, gure praktikaldiko 3.asteari buruz hitz egingo dugu.

Gure taldean iritzi desberdinak daude praktikaldiari buruz. Batzuk gustorago gaude eta beste batzuk deserosoago... Badaude pertsona batzuek harreman oso ona dutenak tutoreekin eta asko ikasten ari direla ematen dizkioten informazio eta aholkuei esker. Horrez gain, tutoreak ematen dien konfiantza eta segurtasunari esker, benetako irakasle bezala sentitzeko aukera ematen die.

Hala ere, badaude gure taldekide batzuek praktikaldiarekin hain pozik ez daudenak, tutore eta eskolaren antolakuntzari dagokionez. Beraz, egitea pentsatuta zeukaten esku-hartzea asko murrizten da.

Batzuek, dramatizazioa egunero ikusten dugu gure klaseetan. Bai abestien bidez, marrazkiak eginez, arteko ekintzen bidez, gorputz adierazpena lantzen diren ekintzen bidez...

Baina beti zerbait hobetu daitekeenez, ideia batzuk pentsatu ditugu klasean dramatizazioak indar handiagoa hartu dezan. Horregatik gure tutorea eta eskolaren baimena izanda, ondo prestatuko dugu esku-hartze hau eta hurrengo asteetan aplikatzen hasiko dugu.

Besterik gabe, hurrengo asterarte! :)

P.D:Ea zer eskaintzen digun aste berri honek!

Praktiketako lehen astean ikusitako dramatizazioa

Jadanik badakigunez praktiketan gabiltza denok eta horregatik gure lehenengo asteko esperientzia zati bat zabaldu nahi dugu besteei ideiak emateko asmoz.

Lehen aste honetan dramatizazioa eskoletan guztiz erabiltzen dela ikusi dugu. Egunero klase orduetan, bai umeek bai irakasleek erabiltzen dute hau. 

Sarrera honetan eskoletan ikusi dugun eta guri oso interesgarria iruditu zaigun ariketa bat proposatzen dugu:

Paperez egindako txotxongiloak

Erabiliko ditugun materialak: 

Paper zuri bat 

Margoak 

Artaziak 

Pegamentua 

Prozedura:

- Lehenik eta behin paper zuriaren ezkerreko aldean marraztutako lauki baten barnean haurrek nahi duten pertsonaia marraztu eta margotuko dute.

- Hau egin eta gero, irakasleen laguntzaz paperaren eskuineko aldearen zati bat moztuko dute, papera laukizuzen formatik karratu formara bihurtzen.

- Behin hau eginda paperari tutu forma emango diogu eta horretarako ezkerreko aldea eskuinekoarekin itsatsiko dugu.

- Bukatzeko tutua eginda izan eta gero, eskua sartuko dugu honen barruan, gure txotxongiloa lortuz.

- Prozesua errepikatu pertsonaia desberdinak eratzeko. 

Dramatizazioa landu:

Behin materiala prestatuta izanda, umeek beraiek nahi duten istorioa antzeztu dezakete. Posiblea da haiek guk proposatutako istorioa antzeztea ere.